17.12.2025 | 12:34
Թուրքիան որոշում է կայացրել արտաքսել ադրբեջանցի ընդդիմադիր գործչին. Բաքվում նրան սպառնում է ձերբակալություն
Կոչ եմ անում բոլորին՝ չփորձել մեզ հետ լուսանկարվելով պաշտոն կամ ինդուլգենցիա ստանալ․ Ալեն Սիմոնյան․ ՏԵՍԱՆՅՈՒԹ
Քաղաքականություն
18.06.2019 | 14:58
Ազգային ժողովի փոխնախագահ Ալեն Սիմոնյանն այսօր ՍԴ դատավորի թեկնածու Վահե Գրիգորյանի թեկնածության վերաբերյալ «Իմ քայլը» խմբակցության անունից իր ելույթի ժամանակ, անդրադարձավ ԼՀԿ-ական պատգամավոր Արման Բաբաջանյանի ելույթին ու դրանում տեղ գտած այն դիտարկմանը, որ ներկայիս իշխանության որոշ ներկայացուցիչներ աղուհացով են դիմավորել նախկին իշխանության որոշ ներկայացուցիչների։
Ըստ Սիմոնյանի՝ որևիցե մեկը, որը ՀՀ-ի վարկի և օրենսդրության հետ խնդիր է ունեցել, իրենց կողմից աղուհացով չի կարող դիմավորվել։
«Նրանք, վաղ թե ուշ, պատասխան են տալու անկախ նրանից, որ ուզում են գալ կանգնել մեր գործընկերների կողքին ու լուսանկարվել։ Կոչ եմ անում բոլորին՝ չփորձել մեզ հետ լուսանկարվելով պաշտոն կամ ինդուլգենցիա ստանալ կամ ինչ-որ բանից փորձել խուսափել»,- ասաց Սիմոնյանը։
Անդրադառնալով Վահե Գրիգորյանի թեկնածության վերաբերյալ ընդդիմադիր պատգամավորների տարբեր քննադատություններին, Ալեն Սիմոնյանը բոլորին խորհուրդ տվեց այսօր քվեարկել՝ ըստ իրենց խղճի և տեսած աշխատանքից։
Մանրամասները՝ տեսանյութում։
