08.06.2026 | 23:25
24 ժամ ջուր չի լինի Կոտայքի մարզի մի շարք հասցեներում
Մարդկության պատմության մեջ եզակի, բիրտ ու վայրագ ճնշումներ են դատարանների վրա. Հայկ Ալումյան. ՏԵՍԱՆՅՈՒԹ
Հասարակություն
17.06.2019 | 13:23
Այն բանից հետո, երբ 2018 թվականին Ռոբերտ Քոչարյանն ազատ արձակվեց, դատարանների նկատմամբ սկսվեցին աննախադեպ ճնշումներ։ Դրանք նպատակ ունեին ոչ միայն պատժել պարոն Քոչարյանին ազատ արձակած դատավորին, այլև այն դատավորին, որը պետք է քննի գործը։ Այսօր հրավիրված ասուլիսում այս մասին ասաց ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանը:
«Պարոն Քոչարյանի գործի հետ առնչություն ունեցող ցանկացած դատավոր արդեն հասկանում է՝ ինչ տեղի կունենա, եթե իր կողմից կայացվելիք դատական ակտը դուր չգա այսօրվա գործադիր իշխանությանը։ Մարդկության պատմության մեջ եզակի, բիրտ ու վայրագ ճնշումներ են դատարանների վրա։ Բոլորիս է հասկանալի՝ ինչ վիճակում է Վերաքննիչ դատարանի դատավորը, որ պետք է քննի դատախազների և տուժողների բողոքը Առաջին ատյանի դատարանի որոշումների դեմ»,- ասաց Ալումյանը։
Նա հիշեցրեց դատարանների մուտքերն ու ելքերն արգելափակելու՝ իշխանության կոչը, որից հետո նաև Սահմանադրական դատարանի աշխատանքն արգելափակվեց: Սա, ըստ փաստաբանի, բարձրագույն ատյանի վրա ճնշում էր:
Մանրամասները՝ տեսանյութում:
Ռոբերտ Անանյան
