16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«Սանիթեքի» հետ պայմանագիրը, հնարավոր է, լուծարվի. Հայկ Մարության. ՏԵՍԱՆՅՈՒԹ
Տնտեսություն
12.06.2019 | 15:34
«Իմ պաշտոնավարման հենց առաջին օրվանից փորձել եմ «Սանիթեք» ընկերության հետ գալ այնպիսի վիճակի, որ իրենք կարողանան պատշաճ կատարել իրենց պարտականությունը»,- այս մասին այսօր խորհրդարանում լրագրողների հետ զրույցում ասաց Երևանի քաղաքապետ Հայկ Մարությանը՝ շարունակելով. «Ես անձամբ մասնակցում էի այդ հանդիպումներին, որ հասկանայի՝ ինչ խնդիր ունենք այդտեղ և ինչով կարող է քաղաքապետարանն աջակցել։ Վստահեցնում եմ, որ մենք մեր կողմից արել ենք ամեն ինչ, սակայն «Սանիթեք» ընկերությունն այլևս չի կարող սպասարկել, այսինքն՝ այդ ունակությունը չունի սպասարկելու Երևան քաղաքը»։
Քաղաքապետի խոսքով՝ «Սանիթեք» ընկերության մեքենաների քանակը, աշխատուժի թիվը, մեքենաների տեխնիկական վիճակը զրոյական են:
«Օրական 12-18 մեքենա են հանում՝ իրենց ասելով, բայց այդ մեքենաների մեծ մասը ճանապարհի կեսից փչանում է։ Մենք փորձեցինք իրենց օգնել, ամեն ինչ արեցինք, բայց իրենք նոր ներդրումներ չեն անում: Դուք տեսնում եք՝ ինչ վատ վիճակում են գտնվում աղբամանները, մինչդեռ, ըստ պայմանագրի, Երևանում պետք է լինի 8 հազար աղբաման, բայց առկա է մոտ 5 հազարը, որոնց վիճակը շատ վատ է։ Ես այդտեղ հասկացա, որ այս մարդիկ ունակ չեն, կամ ցանկություն չունեն համագործակցելու քաղաքի հետ, իսկ քաղաքը չի կարող անվերջ սպասել մի ընկերության»,- ասաց քաղաքապետը՝ չբացառելով, որ առաջիկայում աղբահանություն իրականացնող միակ ընկերության հետ պայմանագիրը լուծարեն։
Մանրամասները՝ տեսանյութում։
Շողիկ Գալստյան
