02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Կառավարությանը հորդորում ենք հետևել օրենքների ժամկետներին և մեզ 24 ժամում դրանք ընդունել չտալ․ էդմոն Մարուքյան․ ՏԵՍԱՆՅՈՒԹ
Քաղաքականություն
10.06.2019 | 14:28
Ազգային ժողովի պատգամավորներն այսօր հրավիրված արտահերթ նիստում երկրորդ ընթերցմամբ ընդունեցին Քրեական օրենսգրքում, Նորմատիվ իրավական ակտերի մասին, Վարչական իրավախախտումների մասին, Պետական կառավարման համակարգի մասին օրենքներում փոփոխություններ կատարելու վերաբերյալ նախագծերը։
Պետական կառավարման համակարգի մասին օրենքում փոփոխություն կատարելու մասին նախագծի քվեարկությունից առաջ ԱԺ «Լուսավոր Հայաստան» խմբակցության պատգամավոր Էդմոն Մարուքյանը նշեց, որ այս օրենքի նախագիծը քվեարկության է դրվում սահմանված ընթացակարգերի խախտմամբ և ԱԺ պետաիրավական հանձնաժողովը այս նախագծի վերաբերյալ նիստ չի գումարել։
«Կառավարությունն օրենքն ուշացած է բերել և չկա այնտեղ մեկը, որ հետևի՝ երբ օրենքի ժամկետը լրանում է, մեկ ամիս շուտ բերեն, որպեսզի կարողանանք հանգիստ քվեարկենք։ Մենք դեմ ենք քվեարկելու այս նախագծին և դա հորդոր ու կոչ է Կառավարությանը, որ օրենքների ժամկետներին հետևեն, որ մեզ չբերեն 24 ժամում օրենք ընդունել տան»,- ասաց Մարուքյանը։
ԱԺ «Իմ քայլը» խմբակցության պատգամավոր Վլադիմիր Վարդանյանը նշեց, որ ԱԺ պետաիրավական հանձաժողովը նիստ չի գումարել, որովհետև այդ դեպքում չէր ապահովիի պատգամավորների կողմից գրավոր առաջարկներ ներկայացնելու ժամկետը։
Մանրամասները՝ տեսանյութում։
