18.12.2025 | 22:49
Համբերությունը սպառվում է. Թուրքիան զգուշացրել է Սիրիայի քրդական ուժերին
Ծխելու հետևանքով աշխարհում 6 մլն մարդ է մահանում. այսօր Ծխախոտի դեմ պայքարի միջազգային օրն է
Հասարակություն
31.05.2019 | 12:04
Առողջապահության համաշխարային կազմակերպությունն այսօր նշում է Ծխախոտի դեմ պայքարի միջազգային օրը: Օրվա խորհուրդը ծխախոտի վնասակար և մահացու ազդեցության մասին հասարակության շրջանում իրազեկվածության բարձրացումն է։
Այս տարի Ծխախոտի դեմ պայքարի միջազգային օրն անցկացվում է «Ծխախոտը և թոքերի առողջությունը» խորագրով և նպատակ ունի բարձրացնել հասարակության տեղեկացվածությունը թոքերի շնչառական հիվանդության, ինչպես նաև առողջության համար թոքերի կարևորության մասին։
Այս թեմայով իր ֆեյսբուքյան էջում գրառում է կատարել ՀՀ առողջապահության նախարար Արսեն Թորոսյանը: Նախարարը տեսանյութ է հրապարակել, որտեղ ներկայացված է տարեկան աշխարհում ծխախոտի հետևանքով մահացող մարդկանց թիվը՝ 6 մլն:
Արսեն Թորոսյանը նաև հրապարակել է Ծխելու դեմ պայքարի միջազգային օրվան ընդառաջ անցկացված հարցման արդյունքները:
«Ունենք 8.800 քվեարկող, ինչը շատ ներկայացուցչական ընտրանք է մեր երկրի համար, և այսպիսի դրական արդյունքներ. 94%՝ կողմ, 6%՝ դեմ»,- նշել է նախարարը։
Նշենք, որ Երևանում այսօր Ծխախոտի դեմ պայքարի միջազգային օրվան նվիրված ֆլեշմոբ է անցկացվելու:
Նելլի Մելքոնյան
