02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
«Պետք է գիծ քաշել և ամեն ինչ նորից սկսել». ԵՊՀ ռեկտորի ժամանակավոր պաշտոնակատար. ՏԵՍԱՆՅՈՒԹ
Հասարակություն
30.05.2019 | 18:14
ԵՊՀ նախկին ռեկտոր Արամ Սիմոնյանի հետ կշարունակեմ աշխատել, էլ ինչ ղեկավար, եթե չկարողանա բոլորի հետ աշխատել: Այս մասին ԵՊՀ հոգաբարձուների խորհրդի նիստի ավարտից հետո լրագրողների հետ զրույցում նշեց ԵՊՀ ռեկտորի նորընտիր ժամանակավոր պաշտոնակատար Գեղամ Գևորգյանը:
Նրա խոսքով՝ այն, որ ԵՊՀ-ն վերջին տասնամյակում նկատելի առաջընթաց չի գրանցել, նաև իր մեղավորությունն է: «Երևի իմ մեղքի բաժինն էլ կա»,- ասաց Գեղամ Գևորգյանը:
Գևորգյանը հավելեց, որ տարիներ առաջ իրեն ռեկտորի տեղակալի պաշտոնից ազատած Արամ Սիմոնյանից վրեժ լուծել չի պատրաստվում. «Չեմ կարծում՝ հիմա ճիշտ է խոսել այն մասին, թե նախկինում ինչ չի արվել, ավելի լավ է մտածենք՝ ինչ պետք է անենք ապագայում: Պետք է գիծ քաշել և ամեն ինչ նորից սկսել»:
Մանրամասները՝ տեսանյութում:
Նելլի Մելքոնյան
