Հասարակություն
29.05.2019 | 17:50Ազգային ժողովի «Լուսավոր Հայաստան» խմբակցության պատգամավոր Անի Սամսոնյանն այսօր Կառավարության հետ հարցուպատասխանի ժամանակ բարձրաձայնեց Երևանում նորակառույց թաղամասերում պետական դպրոցների բացակայության հարցը։
Ըստ պատգամավորի՝ մասնավորապես Երևանի Ծարավ Աղբյուր թաղամասում չկա պետական դպրոց, կառուցված է նոր մասնավոր դպրոց, որի տարեկան վարձավճարը հասնում է 1-1․5 միլիոն դրամի։
Խնդրի վերաբերյալ Կրթության և գիտության նախարար Արայիկ Հարությունյանը նշեց, որ այդ թաղամասում պետք է կառուցվեր դպրոց, սակայն հետագայում այդ տարածքը տրվել է այլ ընկերության՝ «Գազպրոմ Արմենիային»։
«Ներկայումս քննարկում ենք կապիտալ ներդրումների լուրջ ծրագրեր և քննարկում ենք, թե որտեղ են ներդրվելու բյուջով առաջացած եկամուտները և դիտարկում ենք ամբողջ Երևանում դպրոցաշինության խնդիրը լուծելու հարցը»,- ասաց նախարարը։
Պատգամավորը հետաքրքրվեց՝ իսկ հնարավոր չէ՞ մասնավոր դպրոցի սեփականատեր «Գազպրոմ-Արմենիա» ընկերության հետ քննարկել տարածք վարձակալելու տարբերակը։ Ի պատասխան Արայիկ Հարությունյանը նշեց, որ այդ տարբերակը կքննարկվի։
Մանրամասները՝ տեսանյութում։
