Հասարակություն
27.05.2019 | 16:45Վերաքննիչ դատարանի նախագահ Վազգեն Ռշտունին, լրագրողների հետ զրույցում անդրադառնալով երկրորդ նախագահ Ռոբերտ Քոչարյանի խափանման միջոցը փոփոխելուն իր մասնակցության մասին լուրերին, ասաց. «Եթե առաջին անգամ տրամաբանորեն կարող էին կապել ինձ հետ, որովհետև բողոքը քննվում էր Վերաքննիչ դատարանում, ինչ-որ տեղ կարելի էր հասկանալ։ Բայց այս դեպքում չեմ կարողանում հասկանալ, ես գործը քննող դատավորի հետ հարաբերություններ չունեմ»:
Հարցին՝ ինչո՞ւ է իր անունը մշտապես շոշափվում, ասաց, որ ինչ-որ մարդկանց գուցե խանգարում է:
«Միգուցե թե՛ համակարգում, թե՛ դրանից դուրս մարդիկ կան, որոնց ես խանգարում եմ։ Իմ ամբողջ գործունեության ընթացքում ես փորձում եմ լինել արդար»,- հավելեց դատարանի նախագահը:
Խոսելով իր ունեցվածքի մասին՝ Վազգեն Ռշտունին նշեց, որ իր ընտանիքը բիզնեսով է զբաղվել, բայց ինքը՝ ոչ:
Մանրամասները՝ տեսանյութում։
Լիլիթ Շաբոյան
