Հասարակություն
27.05.2019 | 13:41«Եթե պետբյուջեից գողացված միջոցներ են, ավելի լավ, եթե փոխանցվում են և ծառայեցվում են պետությանն ու քաղաքացիներին։ Գումարի ծագումն անձնապես ինձ համար կապ չունի, որովհետև մտածում եմ, որ երբ գումարը մեզ հասավ, կապ չունի՝ ինչ ձևով է հասել նրա ձեռքը, ով մեզ է փոխանցում: Մենք, միևնույն է, ծառայեցնելու ենք ամենաբարի, ամենաճիշտ, ամենաօգտակար նպատակներին»,- այսօր հրավիրված մամուլի ասուլիսում ասաց վարչապետի տիկին Աննա Հակոբյանը՝ պատասխանելով Factor.am-ի հարցին՝ իր համար նշանակություն ունի՞, թե ինչ ծագում ունեն հիմնադրամին փոխանցվող գումարները։
Աննա Հակոբյանը նաև տեղեկացրեց, թե կան բանկային հարաբերություններ. Կենտրոնական բանկը, բանկերը ստուգում են այլ երկրներից փոխանցվող գումարի ծագումը, ինչին իրենք ենթարկվում են:
«Եթե կասկածելի ծագում է կամ բանկը թույլ չի տալիս, մենք այդ դեպքում անելիք չունենք»,- նշեց նա։
Մանրամասները՝ տեսանյութում։
Շողիկ Գալստյան
