02.07.2026 | 10:42
ՌԴ-ն զանգվածային հարված է հասցրել Կիևին․ զոհվել է 11, վիրավորվել՝ 56 մարդ
Աշխատաժողով՝ նվիրված ԵՄ կողմից Հայաստանին տրամադրվող բյուջետային աջակցությանը
Տնտեսություն
24.05.2019 | 20:51
ՀՀ տնտեսական զարգացման և ներդրումների նախարարությունից տեղեկացնում են, որ մայիսի 24-ին կայացել է աշխատաժողով՝ նվիրված ԵՄ բյուջետային աջակցության գործընթացներում ներգրավված ՀՀ համապատասխան գերատեսչությունների և պետական կառավարման մարմինների մասնագետների համապատասխան կարողությունների բարելավմանն ու իրազեկվածության բարձրացմանը։
«Այն կազմակերպվել է Եվրոպական հանձնաժողովի նախաձեռնությամբ՝ Հայաստանում ԵՄ պատվիրակության և ՀՀ տնտեսական զարգացման և ներդրումների նախարարության հետ համատեղ:
Միջոցառմանը ողջույնի խոսքով հանդես է եկել նախարարի տեղակալ Մանե Ադամյանը:
Աշխատաժողովի ընթացքում ԵՄ փորձագետը միջոցառման մասնակիցներին ներկայացրել է ԵՄ բյուջետային աջակցության նոր ուղեցույցը, այնուհետև քննարկվել են ԵՄ աջակցության ծրագրերի նախագծմանը, ծրագրավորմանը, դիտանցմանը և ծրագրերի իրականացման արդյունքների ամփոփմանն ու գնահատմանն առնչվող հարցեր:
Աշխատաժողովին մասնակցել են ՀՀ շահառու նախարարությունների, պետական այլ մարմինների և գերատեսչությունների, ինչպես նաև Հայաստանում ԵՄ պատվիրակության ներկայացուցիչները»,- ասված է հաղորդագրությունում:
