02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Վալերի Օսիպյանը Ոստիկանության զորքերի անձնակազմին է ներկայացրել նորանշանակ հրամանատարին. ՏԵՍԱՆՅՈՒԹ
Հասարակություն
24.05.2019 | 16:24
ՀՀ ոստիկանապետ Վալերի Օսիպյանն այսօր ոստիկանության զորքերի հրամանատարական կազմին է ներկայացրել ոստիկանության զորքերի նորանշանակ հրամանատար, ոստիկանության պետի տեղակալ Վահե Ղազարյանին: Այս մասին տեղեկանում ենք Ոստիկանության մամուլի ծառայությունից:
Օսիպյանը շնորհակալություն է հայտնել շուրջ մեկ տարի ոստիկանության զորքերի հրամանատարի պարտականությունները ժամանակավոր կատարած ոստիկանության զորքերի հրամանատարի մարտական ծառայության գծով տեղակալ Սամվել Հակոբյանին:
Աղբյուրի տեղեկացմամբ՝ Վահե Ղազարյանը ոստիկանության համակարգում է 2003 թվականից: Զբաղեցրել է տարբեր պաշտոններ՝ տեսուչից մինչև ոստիկանության Տավուշի մարզային վարչության պետ: Մայիսի 22-ին նա ՀՀ Նախագահի հրամանագրով նշանակվել է ՀՀ ոստիկանության զորքերի հրամանատար, ոստիկանության պետի տեղակալի պաշտոնում:
Վալերի Օսիպյանը հույս է հայտնել, որ Ղազարյանի հրամանատարությամբ ոստիկանության զորքերն է՛լ ավելի մարտունակ ու սրտացավ ծառայություն կիրականացնեն թե՛ պետական սահմանին, թե՛ հասարակական կարգը պահպանելիս:
