17.12.2025 | 13:45
FIP-ը պարզել է 44-օրյայում զոհված ավելի քանի 3 հազար զինծառայողների անուններ
Վարչապետը լսեց բուքմեյքերական ընկերության աշխատակիցներին. ՏԵՍԱՆՅՈՒԹ
Հասարակություն
24.05.2019 | 13:07
Բուքմեյքերական ընկերություններից մեկի աշխատակիցներն այսօր հավաքվել էին Կառավարության դիմաց: Վարչապետ Նիկոլ Փաշինյանը մոտեցավ նրանց և լսեց պահանջը:
«Դեռ քայլարշավից սկսած ուր գնացել եմ, այս խնդրի մասին ասել են: Բողոքում են, ասում են՝ բակերում խաղային ապարատներ են դրված, մարդիկ իրենց աշխատավարձը ստանում են, թողնում այնտեղ, գնում տուն»,- ասաց Փաշինյանը:
Բուքմեյքերական ընկերության աշխատակիցները վարչապետին խնդրեցին իրենց ժամանակ տալ կամ նոր աշխատատեղեր առաջարկել: «Ես չեմ զլանում ժամանակ տրամադրել, պարզապես ուզում եմ, որ այն արդյունավետ լինի»,- պատասխանեց վարչապետը:
Ակցիայի մասնակիցներին Նիկոլ Փաշինյանը կոչ արեց առաջիկա օրերին իրեն գրավոր առաջարկություններ ներկայացնել:
Նշենք, որ բողոքի ակցիան բուքմեյքերական գրասենյակները փակելու մասին օրինագծի դեմ է: Քաղաքացիները դժգոհում են այն փաստից, որ 2020 թվականի նոյեմբերից, հնարավոր է, բուքմեյքերական բոլոր գրասենյակները փակվեն և տեղափոխվեն օնլայն տիրույթ:
Մանրամասները՝ տեսանյութում:
Նելլի Մելքոնյան
