29.03.2026 | 22:16
Հրդեհ ավտոմեքենայում․ տուժածներ չկան
Վանաձորում երթուղայինների վարորդները հրաժարվում են աշխատել. ՏԵՍԱՆՅՈՒԹ, ԼՈՒՍԱՆԿԱՐՆԵՐ
Տնտեսություն
23.05.2019 | 11:16
Այս պահին Վանաձորի 17 երթուղի սպասարկող վարորդները գործադուլ են անում։ Նրանք հրաժարվում են աշխատել` պահանջելով գազի գնի վերանայում։
Վարորդների խոսքով` այս սակագնով աշխատելն այլևս անհնար է դարձել:
«Գազը թանկացրին, հիմա ամեն օր 2000 դրամ ավել փող ենք տալիս։ Սենց էլ չենք կարա աշխատենք։ Դրա համար էլ այսօր աշխատանքի դուրս չենք եկել»,- ասում են վարորդները։
Նրանք պահանջում են, որպեսզի իրենց հետ հանդիպեն մարզային ու քաղաքային իշխանությունները: «Աշխատելը դժվար է, զապչաստը թանկ ա, ուստեն թանկ ա։ Հիմա մեքենան պետք է սարքեի, բայց թողեցի եկա այստեղ, որովհետև քշելու հնարավորություն չկա»,- ասում է վարորդներից մեկը։
Հիշեցնենք, որ օրեր առաջ գազի սակագնից և որակից դժգոհում էին նաև տաքսու վարորդները։
Տաթև Ղազարյան
