02.07.2026 | 10:25
Ուրսուլա ֆոն դեր Լայենը ժամանեց Երևան
Գույքի կալանքը երկար պահելու համար հորինել են այս գործը․ Քոչարյանը՝ կաշառք ստանալու մեղադրանքի մասին. ՏԵՍԱՆՅՈՒԹ
Հասարակություն
16.05.2019 | 15:53
Երևանի ընդհանուր իրավասության դատարանում շարունակվում է Մարտի 1-ի գործով Ռոբերտ Քոչարյանի խափանման միջոցի հարցի քննությունը։
Քոչարյանն իր ելույթում անդրադարձավ գործարար Սիլվա Համբարձումյանի կողմից տրված ցուցմունքներին։
«Ցուցմունքների մեջ նա ասում ա՝ ես կաշառք չեմ տալիս, դա շնորհակալություն ա։ Կաշառք տալիս են ինչ-որ նպատակի համար, իսկ երբ ես նախագահ էի, նախագահը գործադիրի հետ կապված որևէ առնչություն չուներ։ Նախագահը որտեղի՞ց պետք է իմանար, թե Սիլվան ինչ-որ ընկերություն է ծախում։ Նա ասում է, որ կաշառք է տվել, որ իրեն չխանգարեն, բայց որ իրեն խանգարել են՝ որևէ փաստ չկա»,- ասաց Քոչարյանը՝ նշելով, որ այս ամենն աբսուրդի է նման, որից ինքն անում է հետևյալ եզրահանգումները։
«Իմ գույքի վրա ապօրինի ձևով կալանք են դրել, և այդ կալանքը հնարավորինս երկար պահելու համար հորինել են այս քրեական գործը։ Մինչև հիմա իմ բոլոր հաշիվների վրա կալանք է դրված, թե իբր ես կաշառք եմ վերցերլ»,- ասաց 2-րդ նախագահը։
Մանրամասները՝ տեսանյութում:
Լիլիթ Շաբոյան
