08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Այս համակարգի ներդրմամբ վերջ է դրվել խնամի-ծանոթ-բարեկամ սկզբունքով դպրոցներում գրանցվելու պրակտիկային․ փոխնախարար․ ՏԵՍԱՆՅՈՒԹ
Հասարակություն
16.05.2019 | 13:08
ՀՀ կրթության և գիտության փոխնախարար Արևիկ Անափիոսյանն այսօր Կառավարության նիստում ներկայացրեց առաջին դասարանցիների ընդունելության առցանց համակարգի ներդրման ընթացքն ու արձանագրված վիճակագրությունը։
Ըստ փոխնախարարի՝ համակարգը երեկ է գործարկվել Երևանում և կանխատեսվում է 2019-2020 ուստարվա համար ունենալ շուրջ 13 հազար առաջին դասարանցի, իսկ տեղերը նախատեսված են 14 հազար առաջին դասարանցու համար:
Փոխնախարարի փոխանցմամբ՝ այսօր ժամը 10:45-ի դրությամբ առցանց համակարգում արդեն հայտագրված է 9 հազար 321 երեխա:
«Տեխնիկական խնդիր ունենք շուրջ 100 երեխայի հետ կապված, որը պայմանավորված է նրանով, որ երեկ առավոտյան ժամը 09:10-ից մինչև 09:25-ը խնդիր է եղել ծանրաբեռնվածության մասով ու այս տեխնիկական խնդիրը բերել է նրան, որ ամբողջ համակարգով հնարավոր չի եղել գրանցում իրականացնել, սակայն տեխնիկական խնդիրները արագ հարթվել են ու 09:25-ից համակարգն աշխատել է բնականոն», – ասաց նա:
Փոխնախարարը նշեց, որ այսօրվա դրությամբ արդեն առաջին դասարանցիների շուրջ 75-ից 80 տոկոսը հայտագրված է:
Վերջինիս խոսքով՝ այս համակարգի ներդրմամբ վերջ է դրվել խնամի-ծանոթ-բարեկամ սկզբունքով դպրոցներում գրանցվելու պրակտիկային։
«Դրվեց թափանցիկ ու հաշվետու մի համակարգ, որը կփոխի մշակույթ, որ կա կարգ ու օրենք, որի առաջ բոլորը հավասար են»,- ասաց փոխնախարարը:
Մանրամասները՝ տեսանյութում։
