03.09.2026 | 10:27
Գյուղերի տեղահանումից մինչև փակ անտառներ․ Ալիևների ընտանիքի գաղտնի առանձնատները․ Meydan TV-ի նոր հետաքննությունը
Ինձ համար ավելի կարևոր է 10 զոհի սպանության բացահայտումը, քան իմ դեմ կատարվածի. Վարդգես Գասպարի. ՏԵՍԱՆՅՈՒԹ
Հասարակություն
15.05.2019 | 13:07
Քաղաքացիական ակտիվիստ Վարդգես Գասպարիի հաղորդման հիման վրա ոստիկանությունում նախապատրաստված և Քննչական կոմիտե ուղարկված նյութերով հարուցվել է քրեական գործ։
Գասպարին այսօր լրագրողների հետ զրույցում ասաց, որ իր համար շատ կարևոր է կատարված դեպքի նկատմամբ հանրության վերաբերմունքն առ այն, որ նոր Հայաստանում քաղաքացիական ակտիվիստի նկատմամբ կատարվել է բռնություն։
Ակտիվիստը նաև հավելեց․«Ինձ համար առաջնայինն այն չէ, որ իմ նկատմամբ կատարված բռնությունը բացահայտվի, այլ այն, որ Մարտի 1-ի 10 սպանությունները բացահայտվեն»։
Հիշեցնենք, որ մայիսի 13-ին Հայաստանի երկրորդ նախագահ Ռոբերտ Քոչարյանի և մյուսների գործով նախնական դատական նիստի ժամանակ դատարանի մոտ քաշքշուկ և վիճաբանություն էր տեղի ունեցել, իսկ քաղաքացիական ակտիվիստ Վարդգես Գասպարին պնդում էր, որ շշով հարվածել են իր դեմքին:
Մանրամասները՝ տեսանյութում։
