10.09.2026 | 08:52
Հայտնի է Կաթողիկոսի և 6 եպիսկոպոսների գործով նիստի օրը
Բակո Սահակյանն ու Արկադի Ղուկասյանը անձնական երաշխավորություն են ներկայացրել Քոչարյանի ազատ արձակման համար. ՏԵՍԱՆՅՈՒԹ
Հասարակություն
14.05.2019 | 15:04
Երկրորդ նախագահ Ռոբերտ Քոչարյանի կալանքը հիմնավոր լինել-չլինելու հարցը դատարանը շարունակում է քննել։ Այսօր դատարանում Քոչարյանի պաշտպաններից Հովհաննես Խուդոյանը ներկայացրեց տեքստ, համաձայն որի՝ Արցախի նախկին և ներկա նախագահներ Արկադի Ղուկասյանն ու Բակո Սահակյանը անձնական երաշխավորություն են ներկայացրել Քոչարյանի խափանման միջոց կալանավորումը փոփոխելու վերաբերյալ։
Նախագահող դատավոր Դավիթ Գրիգորյանը նշեց․ «Եթե ուզում եք երաշխավորությունը քննվի, ապա պետք է նրանց ներկայությունն ապահովել»։
Պաշտպանական կողմը նշեց՝ նիստը թող շարունակվի, նրանք կապ կհաստատեն նախագահների հետ և կփորձեն համաձայնեցնել ներկայանալու հարցը։
Նշենք, որ դատարանում այսօր ներկա է Քոչարյանը, ապակեպատ նիստերի դահլիճից այս կողմ նրա աջակիցներն են և նրան դեմ արտահայտվող այլ քաղաքացիները։ Երկու կողմի մի ստվար հատված էլ դրսում է շարունակում բողոքի ակցիան միմյանց հասեցին ուղղելով տարբեր մեղադրանքներ և վիրավորանքներ։
Լիլիթ Շաբոյան
