16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Մեր երեխեքին են սպանել, 11 տարի սպասել ենք, որ գործը պարզվի. Վաչագան Ֆարմանյան. ՏԵՍԱՆՅՈՒԹ
Հասարակություն
14.05.2019 | 14:41
Երևան քաղաքի ընդհանուր իրավասության դատարանի բակում շարունակվում են բողոքի ակցիաները՝ Քոչարյանի աջակիցների և ընդդիմադիրների միջև։
Դատարանի բակում էր նաև Մարտի 1-ի իրադարձությունների ժամանակ զոհված Արմեն Ֆարմանյանի հայրը՝ Վաչագան Ֆարմանյանը։
«Եկել եմ տեսնեմ՝ ինչ վիճակ է», – ասաց նա։
Ֆարմանյանը վրդովվեց, երբ լրագրողներից մեկը հարցրեց, թե ինքն ում կողմից է՝ քոչարյանականների՞, թե՞ արդար դատ պահանջողների․ «Ձեր կարծիքով, ո՞ր կողմում եմ, ո՞նց ես էդ հարցը տալիս»։
Ֆարմանյանը նշեց, որ 11 տարի է՝ սպասողական վիճակում են: «Մեր երեխեքին են սպանել, 11 տարի սպասել ենք, որ գործը պարզվի։ Չլսե՞նք, տեսնենք՝ ինչ են ասում, ինչ են խոսում, դատի ընթացքում կերևա, հիմա ես ի՞նչ ասեմ՝ առանց տեսնելու»,- ասաց ֆարմանյանը։
Մանրամասները՝ տեսանյութում։
