15.10.2026 | 12:52
Ոնց որ զենքը պահել էին մեր վրա, ասում էին` գիտության փողն ավելացրեք. ավելացրել ենք, բայց ոչ ոք չի ասում. Փաշինյան․ ՏԵՍԱՆՅՈՒԹ
Թրամփը դժգոհ է Թիլերսոնի աշխատանքից. WP
Քաղաքականություն
01.09.2017 | 11:11
ԱՄՆ նախագահ Դոնալդ Թրամփի դժգոհությունը՝ կապված պետքարտուղար Ռեքս Թիլերսոնի և որոշ խորհրդականների, ներառյալ Ազգային տնտեսական խորհրդի տնօրեն Գերի Քոնի աշխատանքի հետ, աճում է. գրում է Washington Post-ը՝ հղում անելով աղբյուրներին։
Պարբերականի տվյալներով՝ պետության առաջնորդի և արտաքին քաղաքական գերատեսչության ղեկավարի հիմնական տարաձայնությունները կապված են Աֆղանստանում ամերիկյան ռազմական ներկայության, Կատարի ու Կուբայի տնտեսական շրջափակման հետ։
Գերի Քոնին նախագահը մեղադրում է անհավատարմությա մեջ՝ օգոստոսի 2-ին Շառլոտսվիլի իրադարձությունների հանդեպ Թրամփի արձագանքը քննադատելու պատճառով։
Washington Post-ը նաև գրում է, որ «Թրամփի որոշ բարեկամներ» անխուսափելի են համարում կոնֆլիկտը նախագահի և Սպիտակ տան աշխատակազմի ղեկավար Ջոն Քելիի միջև։
«Նա շատ ծանր ժամանակներ է ապրում»,-մեջբերում է թերթը Թրամփի ընկերներից մեկի խոսքը։ «Նրան դուր չի գալիս, թե ինչպես են ԶԼՄ-ները վերաբերվում իրեն, դու չի գալիս, թե ինչպես է Քելին վերաբերվում իրեն»,- ասել է նա։
