09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Վլադիմիր Պուտինի կողմից ճնշում չեմ զգացել. Նիկոլ Փաշինյան
Քաղաքականություն
13.05.2019 | 14:54
Ո՛չ, ոչ մի ճնշում չեմ զգացել: ՌԲԿ-ին տված հարցազրույցում այս մասին ասել է ՀՀ վարչապետ Նիկոլ Փաշինյանը՝ պատասխանելով հարցին՝ ՌԴ նախագահ Վլադիմիր Պուտինի հետ շփման ժամանակ ճնշում զգացե՞լ է:
«Անձամբ Վլադիմիր Պուտինի կողմից ես ոչ մի ճնշում չեմ զգացել»,- հավաստել է Փաշինյանը: Հարցին՝ այսինքն՝ ինչ-որ մեկը փորձում է ճնշո՞ւմ գործադրել, ՀՀ վարչապետը պատասխանել է. «Կան որոշ ինստիտուտներ, վերլուծական կենտրոններ Ռուսաստանում, որոնք վերլուծություններ, հայտարարություններ են անում: Ինստիտուտների միջև հարաբերությունները դեռևս կարգավորված չեն: Նման խնդիր կա»:
Զրույցը վարող Իլյա Դորոնովը նկատել է, որ Նիկոլ Փաշինյանը հաճախ է հանդիպում Վլադիմիր Պուտինի հետ, Մոսկվա է այցելում, սակայն ՌԴ նախագահը հեղափոխությունից հետո ոչ մի անգամ Երևան չի եղել: «Հույս ունենք, որ այս տարի կգա, հոկտեմբերին»,- արձագանքել է Նիկոլ Փաշինյանը:
Անդրադառնալով ԴԱՀԿ նախկին ղեկավար Միհրան Պողոսյանի ձերբակալությունը, լրագրողը հարցրել է՝ վարչապե՞տն է նախաձեռնել, Փաշինյանը պատասխանել է. «Ռուսական իշխանությունները սենսացիոն կերպով ձերբակալեցին նրա: Ինչո՞ւ սենսացիոն, որովհետև շատերը մտածում էին, որ ռուսական իշխանությունները չեն արձագանքի: Չգիտեմ ինչու՝ հայկական սոցցանցերում կարծրատիպ կա, որ ռուսական իրավապահները չեն համագործակցի հայ իրավապահների հետ: Հույս ունեմ, որ դա սխալ ընկալում է»: Նիկոլ Փաշինյանը հիշեցրել է, որ ևս երկու դեպք կա, երբ ռուս իրավապահները չեն արձագանքել:
«Մեզ մոտ հետախուզման մեջ է նաև նախկին պաշտպանության նախարարը, որը Ռուսաստանում է, սակայն ռուս իրավապահները չեն արձագանքում: Գործը կապված Մարտի 1-ի հետ: Բացի այդ՝ Մարտի 1-ի գործով քննչական խմբի նախկին ղեկավարը (Վահագն Հարությունյանը – խմբ.)»,- նշել է Հայաստանի վարչապետը:
