17.05.2026 | 10:50
Վթարային ջրանջատում Լոռու և Կոտայքի մարզերում
Շատ նորմալ է, որ քաղաքացիները պետք է վճարեն վերելակների համար. Երևանի փոխքաղաքապետ. ՏԵՍԱՆՅՈՒԹԵՐ
Հասարակություն
13.05.2019 | 14:52
Շատ նորմալ է, որ վերելակների փոփոխության համար պետք է երևանցիները վճարեն: Այս մասին այսօր հրավիրված ասուլիսում ասաց Երևանի փոխքաղաքապետ Հայկ Սարգսյանը:
Հարցին, թե «քաղաքացիները պետք է վճարեն» ասելով նկատի ունի այն հարկերը, որոնցով ձևավորվում է մայրաքաղաքի 31 միլիարդանոց բյուջե՞ն, քաղաքապետի տեղակալը բացասական պատասխան տվեց: Այսինքն՝ քաղաքացին պետք է լրացուցիչ վճարի:
«Բնակիչները վճարում են որոշակի հարկեր, տուրքեր: Բնականաբար, որևէ քաղաքապետ իր սեփական միջոցներից չի վճարում քաղաքի հոգսերի համար: Պետք է փաստեմ, որ քաղաքապետի հայտարարությունը շատ օրինաչափ է, և ես կրկնում եմ, որ բնակիչները պետք է վճարեն գործառույթների դիմաց»,- ասաց նա:
Հիշեցնենք, որ ավելի վաղ Երևանի քաղաքապետ Հայկ Մարությանը հայտարարել էր, թե վերելակները կփոխեն, բայց դրանց համար կվճարեն քաղաքացիները:
Մանրամասները՝ տեսանյութում:
Նարեկ Կիրակոսյան
