08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Որևէ ճնշում ինձ վրա չի եղել․ Արսեն Թորոսյանը՝ ծխախոտագործներից Աննա Հակոբյանի ղեկավարած «Իմ քայլը» հիմնադրամի հանգանակությունը քննադատելու մասին. ՏԵՍԱՆՅՈՒԹ
Տեսանյութեր
13.05.2019 | 12:30
Առողջապահության նախարար Արսեն Թորոսյանը Factor.am-ի հարցին ի պատասխան ասաց, որ իր աշխատակազմի նախկին ղեկավար Հարություն Հարությունյանին աշխատանքից ազատելը կապված չի եղել «Հեմոդիալիզի» գործի հետ․ «Դա կապված չէ որևէ դեպքի հետ։ Պարզապես նա ցանկացել է զբաղվել այլ գործով»։
Նախարարը նաև տեղեկացրեց, որ ինքը չի հարցաքննվել կաշառք ստանալու մեջ մեղադրվող իր նախկին տեղակալ Արսեն Դավթյանի գործով։
Նախարարից Factor.am-ը հետաքրքրվեց՝ այն բանից հետո, երբ ինքը սուր քննադատել էր Աննա Հակոբյանի ղեկավարած «Իմ քայլը» հիմնադրամին ծխախոտ արտադրող ընկերությունների կողմից գումար հանգանակելու երևույթը, արդյոք իրեն «ճնշե՞լ են» հիմնադրամից կամ որևէ այլ արձագանք ստացե՞լ է, Արսեն Թորոսյանը նշեց․ «Որևէ ճնշում ինձ վրա, այդ թվում՝ այդ հարցով ինձ վրա չի եղել»։
Մանրամասները՝ տեսանյութում:
Ռոբերտ Անանյան
