18.12.2025 | 22:09
Ստորագրվել է Հայաստան-Հունաստան երկկողմ պաշտպանական համագործակցության 2026 թվականի ծրագիրը
Վթարներն են շատացել շտապօգնության մեքենաների մասնակցությամբ, դրանք շարքից դուրս են գալիս․ Արսեն Թորոսյան. ՏԵՍԱՆՅՈՒԹ
Տեսանյութեր
13.05.2019 | 12:02
Շտապօգնության ոլորտը բազմաթիվ խնդիրներ ունի՝ հագեցվածությունից մինչև անիմաստ կանչեր, որոնց արդյունքում իրական կանչերը վատ են սպասարկվում։ Այս մասին պաշտոնավարման մեկ տարին ամփոփող ասուլիսի ընթացքում նշեց ՀՀ առողջապահության նախարար Արսեն Թորոսյանը։
«Մեր տվյալներով՝ կանչերի 70%-ը չի ավարտվում հոսպիտալացմամբ։ Պարզապես տեղի է ունենում բրիգադի այց տուն»,- ասաց Թորոսյանը:
Խոսելով պաշտոնավարման մեկ տարվա ընթացքում ոլորտում կատարած փոփոխություններից՝ նախարարն առանձնացրեց շտապօգնության մեքենաների թվաքանակի ավելացումը և բաշխումը: Ապագայի անելիքներից էլ նշեց շտապօգնության անձնակազմի՝ սոցապահովագրման փաթեթի շահառու դարձնելը, ինչպես նաև 1 մլրդ դրամի չափով բյուջետային աճը, որն ուղղվելու է շտապօգնության հավելյալ բրիգադներ ունենալուն և բրիգադների աշխատավարձը բարձրացնելուն:
«Այս պահին փորձում ենք դասակարգել շտապօգնության կանչերը՝ ըստ հրատապության և ծանրության, դնել այցի կատարման ժամեր: Եթե, օրինակ, կանչ է գրանցվել՝ ընդամենը ճնշում կամ ջերմություն չափելու համար, ապա դա պետք է արվի ոչ թե 10-15 րոպեում, այլ մեկ ժամում»,- նշեց նախարարը:
Նրա խոսքով՝ թեթև կանչերը սպասելու են, իսկ որոշ կանչեր նույնիսկ չեն արվելու, խորհուրդ է տրվելու պոլիկլինիկա այցելել։ Առողջապահության նախարարը նաև հավելեց, որ առաջիկայում Երևանի քաղաքապետարանի հետ պիլոտային ծրագիր են իրականացնելու՝ գիշերային կանչերը սովորական՝ ոչ շտապօգնության մեքենաներով սպասարկելու համար։
Մանրամասները՝ տեսանյութում:
Ռոբերտ Անանյան
