08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ստուգումներ ՔԿ վարչությունում. արդյունքները կարող են ցավոտ լինել Օսիկյանի համար. «Հրապարակ»
01.09.2017 | 09:03
«Հրապարակ» թերթը գրում է.
«Մենք տեղեկացանք, որ արդարադատության նախարար Դավիթ Հարությունյանը մոտ 10 օր է՝ ստուգում է ԱՆ կազմում գտնվող քրեակատարողական վարչությունը: Լավատեղյակները պնդում են, որ շատ մանրազնին են ստուգում, դեռ եզրակացություն չկա:
Արդարադատության նախարարությունից հայտնեցին. «ՀՀ ԱՆ վերահսկողական ծառայությունը թե՛ քրեակատարողական վարչությունում, թե՛ քրեակատարողական հիմնարկներում մշտապես իրականացնում է ստուգումներ, ուսումնասիրություններ: Դրանք լինում են պլանային, ինչպես նաև ՀՀ մարդու իրավունքների պաշտպանից, քաղաքացիներից կամ շահագրգիռ այլ կազմակերպություններից ստացված գրությունների, դիմում-բողոքների հիման վրա իրականացվող ստուգումներ»:
Մինչ ԱՆ-ն խուսափում է հստակ ասել, թե ինչ են ստուգում, որն է առիթը, մեր աղբյուրը նշում է, որ արդյունքները կարող են ցավոտ լինել ՔԿՎ պետ Արթուր Օսիկյանի համար:
Առավել մանրամասն՝ թերթի այսօրվա համարում:
