02.07.2026 | 10:25
Ուրսուլա ֆոն դեր Լայենը ժամանեց Երևան
Քոչարյանի կալանքի քննության օրը դատախազությունը դիրքորոշում կհայտնի ԼՂՀ նախագահների դիմումի մասին. ՏԵՍԱՆՅՈՒԹ
Հասարակություն
10.05.2019 | 17:06
Որևէ ազդակ կամ քաղաքական նշանակություն չի ազդում իմ որոշումների վրա: ՀՀ Ազգային ժողովում լրագրողների հետ ճեպազրույցում ասաց ՀՀ գլխավոր դատախազ Արթուր Դավթյանը՝ անդրադառնալով հարցին՝ արդյո՞ք իրեն ուղղված Արցախի երկու նախագահների նամակը ներքին ազդակ չէ:
Դիտարկմանը, թե Քոչարյանի պաշտպանները պատրաստվում են հաջորդ դատական նիստի ժամանակ ներկայացնել Արցախի նախագահների նամակն ու երաշխավորման հիմքերը, և դատախազությունը պարտավոր է անդրադառնալ այդ նամակին, Դավթյանն արձագանքեց. «Դատախազությունն արդեն այդ փուլում՝ որպես կողմ, դիրքորոշում է հայտնելու։ Եթե չեմ սխալվում, նիստը լինելու է ամսի 13-ին: Դատախազությունը կներկայանա և այդ օրն իր դիրքորոշումը կհայտնի»։
Հարցին՝ արդյո՞ք մինչև հիմա կարծում է, որ ՀՀ երկրորդ նախագահին կալանքի տակ պահելու հիմքեր կան՝ հաշվի առնելով, որ նախաքննությունն ավարտվել է, դատախազը պատասխանեց. «Ռոբերտ Քոչարյանի խափանման միջոցի հիմքերին մեր նախաձեռնությամբ անդրադառնալու մեր լիազորությունը սպառվեց ապրիլի 29-ին, երբ մենք գործն ուղարկեցինք դատարան: Մենք չփոխեցինք կալանքի միջոցը, դա նշանակում է՝ այդ պահին մեր որոշման տիրույթում մենք այդ կարծիքին էինք: Քննության հետագա փուլերում՝ յուրաքանչյուր կոնկրետ իրավիճակին բնորոշ, մենք արդեն ոչ թե որոշող ենք, այլ դիրքորոշում հայտնող, ու կհայտնենք մեր դիրքորոշումը»:
Մանրամասները՝ տեսանյութում:
Նարեկ Կիրակոսյան
