10.12.2025 | 13:56
Կարևոր է ոչ միայն մարդկանց համար, այլ նաև մարդկանց հետ աշխատանքը․ ՄԻՊ
Թրամփը հստակ ակնարկել է, որ չի բացառում Հյուսիսային Կորեայի հետ ռազմական լուծումը. Սպիտակ տուն
Քաղաքականություն
31.08.2017 | 19:36
ԱՄՆ նախագահ Դոնալդ Թրամփն ակնարկել է, որ ԿԺԴՀ-ի շուրջ ստեղծված ճգնաժամի հարցում չի բացառում խնդրի լուծման ռազմական տարբերակը։ Այս մասին չորեքշաբթի հայտարարել է Սպիտակ տան մամուլի քարտուղար Սարա Սանդերսը՝ նախագահի օդանավում լրագրողների հետ զրույցի ժամանակ, փոխանցում է tass.ru-ն։
«Նախագահը հասկացրեց, որ ինքը զգում է՝ ռազմական լուծում կարող է լինել։ Եվ, իհարկե, կարծում եմ, որ եթե նա նայեր այդ ուղղությամբ, ապա կհենվեր այնպիսի մարդու վրա, ինչպիսին Մեթիսն է»,- ասել է նա՝ պատասխանելով հարցին՝ արդյոք ամերիկյան վարչակազմը ԿԺԴՀ-ի խնդրի հետ կապված ռազմական տարբերակներ քննարկում է։
Սանդերսի խոսքով՝ ԱՄՆ-ն Փհենյանի հետ կապված «լուրջ քայլեր է ձեռնարկում»։ Նա նշել է, որ «նախագահը գործողությունների մի քանի տարբերակ է քննարկում»։
