26.11.2024 | 09:46
Հրդեհ Գառնի գյուղում․ այրվել են ավտոտնակը, թոնրատունը և անասնագոմը՝ մասամբ
Ինչո՞ւ են թանկացել գազն ու բենզինը․ պատգամավորը՝ վարչապետին․ ՏԵՍԱՆՅՈՒԹ
Տնտեսություն
08.05.2019 | 18:28
Ազգային ժողովի «Լուսավոր Հայաստան» խմբակցության պատգամավոր Արմեն Եղիազարյանն այսօր խորհրդարանում վարչապետ Փաշինյանին հիշեցրեց, որ անցյալ ամիս խորհրդարանը վավերացրեց Կառավարության կողմից ներկայացված օրինագիծ, որով մայիսի 1-ից գազի խմ-ը հաշվարկվելու է կգ-ով, ինչը գազի գնի թանկացման չի բերելու։ Ըստ պատգամավորի՝ պատկերը, սակայն, հակառակն է, քանի որ գազի գինը տարբեր գազալցակայաններում թանկացել է 10-20 տոկոսով, բենզինը ևս մի քանի օր է՝ թանկացել է 30 դրամով, ուստի հետաքրքիր է՝ ինչու։
Արձագանքելով պատգամավորի հարցին՝ Կառավարության ղեկավարը նշեց, որ Շուկայի վերահսկողության տեսչական մարմնի ղեկավարն ու ՊԵԿ պատասխանատուները, ինչպես այդ օրենքի ընդունումից առաջ, այնպես էլ այսօր շարունակում են պնդել, որ գազի գնի թանկացում չպետք է լիներ։ «Նրանք ինձ շարունակում են հավաստիացնել, որ մեր հաշվարկները ճիշտ էին և գազի գինը չպետք է թանկանար։ Ինձ խոստացել են, որ մեկ շաբաթվա մեջ այս հարցի շուրջ պետք է վերջնական եզրահանգման գանք»,- ասաց Փաշինյանը։
Նա նաև հավելեց, որ այսօր ՊԵԿ-ը գազալցակայանների գործունեության հետ կապված մոտ 10 մլրդ դրամի ակտ ունի գրած, դրանք նաև վիճարկվում են գազալցակայանների կողմից, ուստի դատարանների որոշումից հետո կհասկանան շուկայի իրական վիճակը:
Մանրամասները՝ տեսանյութում։
