08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Կրկին այցելել ենք Հանրային ռադիո. Նիկոլ Փաշինյան. ՈՒՂԻՂ
Տեսանյութեր
07.05.2019 | 13:08
Ռադիոյի օրվա առիթով այսօր՝ մայիսի 7-ին վարչապետ Նիկոլ Փաշինյանը Հանրային ռադիո էր այցելել:
«Թույլ տվեք Հայաստանի Հանրային ռադիոյի բոլոր աշխատակիցներին, ռադիոաշխատողներին և ռադիոլսողներին՝ Ռադիոյի օրվա կապակցությամբ, մաղթել նրանց հաջողություններ և հույս ունենալ, որ այս լրատվական նոր իրավիճակում նոր դիրքեր կնվաճեն»,- ասաց վարչապետը:
Նա նշեց, որ պատգամավոր եղած տարիներին Հանրային ռադիոյի ակտիվ ունկնդիր է եղել. «Շատ դուր էին գալիս հատկապես ռադիոյի ոսկե ֆոնդի հաղորդումները: Ես հույս ունեմ, որ լավագույն ավանդույթները կշարունակվեն, և Հանրային ռադիոն իսկապես կդառնա մեր հանրային քաղաքական կյանքի նոր պայմաններին, ես նկատի ունեմ՝ ժողովրդավարությանը, խոսքի ազատությանը, մամուլի ազատությանը համապատասխանող լրատվամիջոց»:
Նիկոլ Փաշինյանը հիշեցրեց, որ խորհրդային տարիներին հայկական ռադիոն հայտնի էր անգերազանցելի հումորներով, և հույս հայտնեց, որ այդ ավանդույթը կվերականգնվի:
Վերհիշելով մեկ տարի առաջվա իրադարձությունները, մասնավորապես՝ Հանրային ռադիո ներխուժումը, վարչապետը ևս մեկ անգամ ներողություն խնդրեց ռադիոյի աշխատակիցներից պատճառված անհանգստության համար. «Հույս ունեմ, որ մենք բոլորս արձանագրում ենք, որ դա քաղաքացիական քայլ էր, որը կարճաժամկետ առումով արդարացրեց իրեն և հույս ունեմ՝ երկարաժամկետ առումով նույնպես կարդարացնի»:
Մանրամասները՝ տեսանյութում:
