03.09.2026 | 14:04
Խլուրդներին գտե՞լ են, ժամանակը չի՞ լրացել. հարց` Փաշինյանին․ ՏԵՍԱՆՅՈՒԹ
Եթե ապաստան տրամադրվի, նրա հանձնումը կմերժվի․ գլխավոր դատախազը՝ Միհրան Պողոսյանի մասին. ՏԵՍԱՆՅՈՒԹ
Հասարակություն
02.05.2019 | 15:22
ԴԱՀԿ նախկին ղեկավար Միհրան Պողոսյանի արտահանձնման գործընթացը բնական պրոցեսի մեջ է: Այսօր ՀՀ Ազգային ժողովում լրագրողների հետ զրույցում այս մասին ասաց գլխավոր դատախազ Արթուր Դավթյանը:
Անդրադառնալով Պողոսյանի՝ Ռուսաստանում քաղաքական ապաստան հայցելու մասին հարցին, գլխավոր դատախազը պատասխանեց. «Արտահանձնման գործընթացի իրականացման ընթացքում արտահանձման ենթակա անձը կարող է կոնկրետ երկրում դիմել ապաստան ստանալու խնդրով: Միջազգային իրավական կարգավորումների համաձայն՝ այս գործընթացը գաղտնի է: Այն պետությանը, որին դիմում են, պարտավոր է դա չհրապարակել»:
Արթուր Դավթյանն ասաց՝ քաղաքական կամ ցանկացած հիմքով ապաստան խնդրելն արտահանձնման ենթակա անձի իրավունքն է, և հավելեց. «Քաղաքական ապաստան խնդրելը ոչ մեկի համար ամոթ չէ»:
Factor.am-ի հարցին, թե ապաստան ստանալու դեպքում Միհրան Պողոսյանը չի՞ արտահանձնվի, գլխավոր դատախազը պատասխանեց. «Ապաստան տրամադրելը հանգեցնում է իրավական լուծման՝ մերժվում է անձի արտահանձնումը»:
Մանրամասները՝ տեսանյութում:
Շողիկ Գալստյան
