02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Գագիկ Ծառուկյանի մասին ՔՈ-ի հաղորդումն ուղարկվել է ՀՔԾ․ Արթուր Դավթյան. ՏԵՍԱՆՅՈՒԹ
Հասարակություն
02.05.2019 | 15:04
Քրեադատավարական օրենքով նախատեսված հաղորդում է ներկայացվել հանցագործության մասին, հաղորդումը ՀՔԾ ենք ուղարկել, որտեղ հանձնարարվել է Քրեական դատավարության օրենսգրքի 180-րդ օրենքով նախատեսված ընթացակարգեր ձեռնարկել, ստուգողական գործողություններ կատարել, որոնց արդյունքում նախաքննական մարմինը քրեաիրավական գնահատական կտա։ Այս մասին այսօր լրագրողների հետ զրույցում նշեց ՀՀ գլխավոր դատախազ Արթուր Դավթյանը՝ անդրադառնալով ԲՀԿ առաջնորդ Գագիկ Ծառուկյանի կողմից հանցագործություն կատարելու մասին «Քաղաքացու որոշում» կուսակցության ներկայացրած հաղորդմանը:
Նրա խոսքով՝ սա այն դեպքն է, որ իր կարծիքը նախապես հրապարակելով՝ կկաշկանդի 10-օրյա ժամկետում նյութեր նախապատրաստող պաշտոնատար անձի գործողությունները։
«Քրեադատավարական օրենքը սահմանում է, որ անձին որպես մեղադրյալ ներգրավելու մասին որոշումը 24 ժամվա ընթացքում ուղարկվում է Դատախազություն։ Այդ պահից սկսած՝ դատախազը ստանձնում է պարտավորություն՝ ստուգելու այդ որոշման օրինականությունը։ Եթե դատախազը գտնի, որ այդ որոշումն անօրինական կամ անհիմն է, կվերացնի այն»,- նշեց Արթուր Դավթյանը։
Ըստ նրա՝ այս փուլում դատախազը կարող է դիրքորոշում ունենալ, բայց դա խոչընդոտ չէ նոր փաստարկների ու նոր վերլուծությունների արդյունքում միջնորդությունը բավարարելու համար։
Մանրամասները՝ տեսանյութում:
Շողիկ Գալստյան
