02.07.2026 | 11:38
Փորձ է արվում սահմանափակել ՀՀ քաղաքացիների իրավունքը․ Արծվիկ Մինասյանը՝ ընտրական ցենզի մասին․ ՏԵՍԱՆՅՈՒԹ
Առաջարկում ենք ԱԱՀ-ից ազատել ՀՀ-ում տոհմային խոշոր եղջերավոր կենդանիների օտարումը․ Վարազդատ Կարապետյան․ՏԵՍԱՆՅՈՒԹ
Տնտեսություն
02.05.2019 | 14:32
Ազգային ժողովի տնտեսական հանձնաժողովի նիստում քննարկվում է Հարկային օրենսգրքում փոփոխություն կատարելու մասին որոշման նախագիծ, որով առաջարկվում է տոհմային խոշոր եղջերավոր կենդանիների օտարումը Հայաստանի Հանրապետության տարածքում ավելացված արժեքի հարկից ազատել։
Ըստ հիմնական զեկուցող, ԱԺ «Իմ քայլը» խմբակցության պատգամավոր Վարազդատ Կարապետյանի՝ նախագիծը միտված է լուծելու հետևյալ խնդիրները.
– նպաստել անասնաբուծության, հատկապես տոհմային անասնաբուծության զարգացմանը,
– նպաստել տոհմային փոքր և միջին տնտեսությունների զարգացմանը,
– ապահովել տոհմաբուծության զարգացման ծրագրի շարունակականությունը և արդյունավետությունը,
– նպաստել տավարի մսի և կաթի արտադրության ծավալների ավելացմանը
– նպաստել շուկայում տեղական տավարաբուծական արտադրանքի մրցունակության և ճյուղի շահութաբերության մակարդակի բարձրացմանը,
– նպաստել նախիրներում տոհմային կենդանիների մասնաբաժնի ավելացմանը:
Նշենք, որ 2018 թվականին հանրապետություն ներկրվել է 853 գլուխ խոշոր եղջերավոր կենդանի, որից 214 գլուխը օգտագործվել է հետագա բուծման նպատակով, իսկ մնացածը իրացվել է մսի տեսքով: Ըստ Հայաստանի Հանրապետության սննդամթերքի անվտանգության պետական մարմնի տվյալների 2018 թվականին հանրապետությունից արտահանվել է 3122 գլուխ խոշոր եղջերավոր կենդանի, որից 83 գլուխը տոհմային:
Մանրամասները՝ տեսանյութում։
