02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
4-5 ամիս է նույն վիճակում ենք. Կենդանաբանական այգու նախկին անասնաբույժ. ՏԵՍԱՆՅՈՒԹ
Հասարակություն
01.05.2019 | 11:17
Իրավապահ մարմինները Կենդանաբանական այգու հարցում առաջընթաց դեռ չեն գրանցել։ Գուցե դեռ զանգո՞վ են աշխատում։ Այս մասին Երևանի կենդանաբանական այգու տնօրենի հրաժարականի պահանջով բողոքի ակցիայի ընթացքում լրագրողների հետ զրույցում նշեց այգու նախկին անասնաբույժ Անուշ Ռաֆայելյանը։
«Աշխատանքային խումբը ձևավորվել է անցյալ տարվա նոյեմբեր ամսին։ Հարկ Մարությանը անձամբ եկավ ծանոթանալու և ներկայացնելու աշխատանքային խմբի խնդիրները՝ ակնկալելով 100 տոկոսանոց երկարատև աշխատանք»,- ընդգծեց Կենդանաբանական այգու նախկին աշխատակիցը։
Նրա խոսքով՝ աշխատանքային խմբում ընդամենը եղել է երկու նիստ ու դա եղել է դեկտեմբեր ամսին։ Դրանցի հետո խմբի աշխատանքը դադարեցվել է։ «Արդեն 4-5 ամիս է այս վիճակում ենք»,- նշեց Անուշ Ռաֆայելյանը։
Հիշեցնենք, որ Երևանի կենդանաբանական այգու նախկին աշխատակիցներն այգու մուտքի մոտ բողոքի ակցիա են իրականացնում՝ այգու տնօրեն Ռուբեն Խաչատրյանի հրաժարականի պահանջով: Այգու նախկին աշխատակիցները, նույն պահանջով, նախկինում արդեն մի քանի բողոքի ակցիա են իրականացրել: Դրանցից վերջինը ապրիլի 12-ին էր: Նրանք պնդում էին, որ 2011թ.-ից առ այսօր` տնօրեն նշանակվելուց ի վեր, Խաչատրյանն այգին տանում է կործանման։
Նելլի Մելքոնյան
