02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
Մայիսի 5-ից բոլոր շրջանաձև երթևեկությամբ խաչմերուկներում երթևեկության փոփոխություն է լինելու. ՏԵՍԱՆՅՈՒԹ
Տեսանյութեր
30.04.2019 | 18:30
ՃՈ պետի տեղակալ Արման Չիլինգարյանն այսօր հրավիրված ասուլիսի ժամանակ հայտնեց, որ մայիսի 5-ից փոփոխություններ են սպասվում շրջանաձև երթևեկության խաչմերուկների վերաբերյալ:
«Գիտեք, որ փորձնական եղանակով մոտ մեկ տարի կիրառեցինք ճանապարհային նշանների եղանակով, որ շրջանաձև խաչմերուկի ներսում գտնվող վարորդն ունի առավելություն ներս մտնողի հանդեպ: Հիմա արդեն կանոն է փոխվել, և մայիսի 5-ից ՀՀ բոլոր շրջանաձև երթևեկությամբ խաչմերուկներում, որտեղ չեն լինի տեղադրված հակառակ ճանապարհային նշաններ, որ դրսից մուտք գործողն ունի առավելություն, կանոնի ուժով՝ շրջանաձև երթևեկության մեջ գտնվող վարորդը կունենա առավելություն»,- ասաց նա:
ՃՈ պետ Եգոր Կարապետյանն էլ լրագրողների հարցին ի պատասխան՝ անդրադարձավ «վաֆլիներ» անունը ստացած գծանշումներին և տեղեկացրեց, որ դրանց թիվը շատանալու է:
«Երբ ՃՈ-ն գծանշումն արեց, հայտարարություն տարածեցինք, որ սա փորձնական է, որպեսզի մեր վարորդների աչքը տեսնի և սովորի: Արդեն այսօր Ճանապարհային ոստիկանությունը ներկայացրել է փոփոխություններ, մայիսի 5-ին արդեն բավականին փոփոխություններ են ուժի մեջ մտնելու, որոնցից մեկը «վաֆլիներն» են: Մենք նորից կգծանշենք այն խնդրահարույց խաչմերուկները «վաֆլիներով», կդրվեն ճանապարհային նշաններ և արդեն կտուգանվեն: 5.000 դրամ տուգանքի մասին է խոսքը»,- նշեց Եգոր Կարապետյանը:
Մանրամասները՝ տեսանյութում:
Նարեկ Կիրակոսյան
