16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Գագիկ Ծառուկյան անունով գործարար իմ ենթականերն ինձ չեն ներկայացրել. ՊԵԿ նախագահ. ՏԵՍԱՆՅՈՒԹ
Հասարակություն
30.04.2019 | 13:47
Ամենօրյա վարչարարություն իրականացնելիս Գագիկ Ծառուկյան անուն-ազգանունով գործարար իմ ենթականերն ինձ չեն ներկայացրել: ՀՀ Ազգային ժողովում լրագրողների հետ զրույցում այս մասին ասաց ՊԵԿ նախագահ Դավիթ Անանյանը՝ պատասխանելով հարցին՝ գիտի՞ Գագիկ Ծառուկյան անունով ձեռնարկատիրոջ, որը հարկ է վճարում:
«Ակտիվ հարկ վճարողները, ովքեր հարկային համակարգում ինչ-որ գործողություն են կատարում, այսինքն՝ հաշվարկ են ներկայացնում, հայտարարարություն են ներկայացնում, շուրջ 85-90 հազար են: Եթե կարծում եք, որ ես 85-90 հազարին բոլորին անգիր գիտեմ, շնորհակալություն եմ հայտնում, բայց այդպիսի մեծ ակնկալիքներ մի ունեցեք իմ հիշողությունից»,- ասաց Դավիթ Անանյանը:
Խոշոր հարկատուներն էլ, ըստ ՊԵԿ նախագահի, 1400-1500 են, որոնց նույնպես չի կարող հիշել:
Դիտարկմանը, թե Գագիկ Ծառուկյանն իր ընտանիքին պատկանող բիզնեսներում ստուգումների մեջ միտում է տեսնում, Դավիթ Անանյանն արձագանքեց. «Պարոն Ծառուկյանի տեսակետն է, մենք լսում ենք, հարգում ենք այդ տեսակետը, բայց, բնականաբար, չենք համաձայնում»:
Մանրամասները՝ տեսանյութում:
Շողիկ Գալստյան
