02.07.2026 | 16:05
Կալանավորը հացադուլի 51-րդ օրը դադարեցրել է այն․ նրա խափանման միջոց կալանքը փոխվել է
«Սպայկա» ընկերության տնօրենին կալանքի տակ պահելը կարող է առաջացնել տնտեսական ճգնաժամ. փաստաբան. ՏԵՍԱՆՅՈՒԹ
Հասարակություն
30.04.2019 | 11:04
Այս որոշումը գնահատում ենք որպես գործարարից գումար կորզելու մեխանիզմ: «Սպայկա» ընկերության տնօրեն Դավիթ Ղազարյանի կալանավորման դեմ բողոքի հարցով Վերաքննիչ դատարանի որոշման հրապարակումից հետո լրագրողների հետ զրույցում այս Ղազարյանի փաստաբան Արսեն Սարդարյանը:
Նրա խոսքով՝ որևէ տվյալ չի ներկայացվել, որ Դավիթ Ղազարյանը երբևէ խոչընդոտել է քննությանը:
«Վարույթն իրականացնող մարմինն ու դատախազն ընդունում են այդ փաստը, որ փաստացի նման տեղեկություններ չունեն, միայն վերացական դատողություն է ներկայացվում, որ ընկերության ղեկավարը հեղինակավոր անձ է, նրա հեղինակությունը կարող է ազդել»,- ասաց փաստաբանը:
Արսեն Սարդարյանի խոսքով՝ ոչ միայն կալանքի հիմքերն են բացակայում, այլև Դավիթ Ղազարյանին կալանքի տակ պահելը լուրջ տնտեսական ճգնաժամ կարող է առաջացնել. «Որովհետև այդ անձը հանդիսանում է «Սպայկա» ընկերության միակ հիմնադիրը, այդ բիզնեսը ստեղծել է երկար տարիների քրտնաջան աշխատանքի շնորհիվ և գործընկերները ճանաչում են նրան, նրա հետ են աշխատում, և նրա կալանավորումը կարող է ծանր հետևանքներ առաջացնել»:
Մանրամասները՝ տեսանյութում:
Լիլիթ Շաբոյան
