03.09.2026 | 14:18
Ինչո՞ւ վերնագիր չկա՝ «Փաշինյանը կոշտ երկընտրանքի առաջ դրեց ՌԴ նախագահին»․ Փաշինյանը հեգնեց․ ՏԵՍԱՆՅՈՒԹ
Գագիկ Հարությունյանը չեխ խորհրդարանականներից կազմված պատվիրակության հետ քննարկել է դատական համակարգին առնչվող հարցեր
Հասարակություն
29.04.2019 | 22:56
Ապրիլի 29-ին Բարձրագույն դատական խորհրդի նախագահ Գ. Հարությունյանն ընդունել է պաշտոնական այցով Հայաստանում գտնվող Չեխիայի խորհրդարանի Պատգամավորների պալատի սահմանադրական և իրավական հարցերի հանձնաժողովի նախագահ Մարեկ Բենդայի գլխավորած պատվիրակությանը։ Այս մասին հայտնում են ԲԴԽ մամուլի և հասարակայնության հետ կապերի ծառայությունից:
Ողջունելով հյուրերին՝ Խորհրդի նախագահը մանրամասն ներկայացրել է Բարձրագույն դատական խորհրդի ձևավորման, դատավորների նշանակման ընթացակարգերը, դատավորներին կարգապահական պատասխանատվության ենթարկելու մեխանիզմները, ինչպես նաև դատական համակարգում նախատեսված համալիր բարեփոխումները։ Խորհրդի նախագահն անդրադարձավ հյուրերին հետաքրքրող մի շարք այլ հարցերի ևս։
Չեխական պատվիրակության ղեկավար Մարեկ Բենդան շնորհակալություն է հայտնել ջերմ ընդունելության և հետաքրքիր հանդիպման համար։
