30.03.2026 | 13:16
Բյուրեղավանի «Արև» մանկապարտեզի խոհանոցի արտադրական գործունեությունը կասեցվել է
ՔԿՀ-ներում չկա խուց, որը չի խուզարկվում. արդարադատության նախարարը՝ ԱԱԾ-ի տեսանյութին ի պատասխան. ՏԵՍԱՆՅՈՒԹ
Հասարակություն
29.04.2019 | 16:19
Հայաստանի քրեակատարողական հիմնարկներում նախկին բարքերը վերացել են: Այսօր՝ ապրիլի 29-ին հրավիրված ասուլիսում հավաստեց ՀՀ արդարադատության նախարար Արտակ Զեյնալյանը:
Հարցին՝ արդյո՞ք ԱԱԾ-ն, «Արմավիր» ՔԿՀ-ից տեսանյութ հրապարակելով, ցանկանում էր ցույց տալ, որ նախարարը չի տիրապետում իրավիճակին, մինչդեռ Կառավարության նիստում հայտարարել էր, որ քրեակատարողական հիմնարկներում ոչ ոք արտոնյալ պայմաններ, Զեյնալյանը պնդեց. «ՔԿՀ-ներում չկա այնպիսի խուց, որը չի խուզարկվում, չկա այնպիսի դատապարտյալ, ով նախկինի նման արտոնյալ է և նրանից չեն առգրավվում իրեր»:
Ինչ վերաբերում է խցերի կերակրադռներին, ըստ նախարարի՝ դրանց բաց լինել-չլինելը պետք է իրավաչափ լինի. «Եթե խուցը դատարկ է, դուռը բաց կամ փակ լինելը որևէ նշանակություն ունի՞ արդյոք: Կամ եթե ՔԿՀ-ում ստանդարտներով նախատեսված օդափոխության համակարգը բացակայում է և խոնավությունը, ասենք, ջրամատակարարման համակարգի խափանման հետ կապված չափից ավելի բարձր է, կերակրադուռը բաց թողնելն իրավաչա՞փ է, թե՞ ոչ»:
Մանրամասները՝ տեսանյութում:
