10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Հրաչյա Ռոստոմյանն ընդունել է ըմբշամարտի աշխարհի առաջնության բրոնզե մեդալակիրներին
29.08.2017 | 18:46
ՀՀ սպորտի եւ երիտասարդության հարցերի նախարար, ՀԱՕԿ գլխավոր քարտուղար Հրաչյա Ռոստոմյանն ընդունել է աշխարհի առաջնության բրոնզե մեդալակիրներ, Հայաստանի ազատ ոճի ըմբշամարտի հավաքականի անդամներ Գեորգի Կետոեւին (97 կգ) եւ Լեւան Բերիանիձեին (125 կգ):
Հրաչյա Ռոստոմյանը շնորհավորել է մարզիկներին եւ շնորհակալություն հայտնել հայ մարզասերներին ոգեւորիչ պահեր պարգեւելու համար.
«1995 թվականից հետո սա առաջին անգամ է, որ Հայաստանի ազատ ոճային ըմբիշներն աշխարհի առաջնությունում միաժամանակ երկու մեդալ են նվաճում: Հուսով եմ, որ հաջորդ առաջնությունում կլինեն չեմպիոնական մեդալներ»,- ասել է ՀԱՕԿ գլխավոր քարտուղարը:
Ըմբիշները շնորհակալություն են հայտնել ջերմ ընդունելության համար եւ խոստացել շարունակել մարզումները՝ միջազգային մրցահարթակներում Հայաստանի մարզական պատիվը բարձր պահելու համար:
