08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
«Հեղափոխությունն իսկապես քաղաքացու հաղթանակն է, և այս տոնը կոչված է ամրապնդելու ու արժևորելու այդ հաղթանակը». Արարատ Միրզոյան
Հասարակություն
27.04.2019 | 16:27
Ապրիլի 27-ին Հայաստանում առաջին անգամ նշվել է Քաղաքացու օրը: Առավոտից հանրապետության մարզերում եւ մայրաքաղաքում մեկնարկել են տոնին նվիրված միջոցառումներ: Երեւանում տոնական արարողություններին մասնակցել է ՀՀ ԱԺ նախագահ Արարատ Միրզոյանը:
«Շնորհավորելով ՀՀ քաղաքացիներին տոնի առթիվ՝ խորհրդարանի նախագահը նշել է, որ այսօր ամրապնդվում են այն արժեքները, որոնք դրված են նախորդ տարի Հայաստանում տեղի ունեցած հեղափոխության հիմքում եւ ամրագրված ՀՀ Սահմանադրությամբ: Արարատ Միրզոյանը կարեւորել է քաղաքացիների իրավունքները, ազատություններն ու դրանց պաշտպանությունը: «Հեղափոխությունն իսկապես քաղաքացու հաղթանակն է, եւ այս տոնը կոչված է ամրապնդելու ու արժեւորելու այդ հաղթանակը»,-նշել է ԱԺ նախագահը:
Արարատ Միրզոյանն ընտանիքի անդամների հետ շրջել է Երեւանի փողոցներով: Ազատության հրապարակում նա դիտել է փոքրիկ նկարիչների կավճե ստեղծագործությունները, ծանոթացել տոնին նվիրված ցուցադրություններին, հետեւել ցուցադրական սուսերամարտին, շախմատ խաղացել 7-ամյա Գոռ Հարությունյանի հետ: ՀՀ ԱԺ նախագահը զրուցել եւ լուսանկարվել է քաղաքացիների ու Հայաստան այցելած զբոսաշրջիկների հետ»,- ասված է հաղորդագրությունում:
