08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հայտնի են ՇՊՀ ռեկտորի պաշտոնի հավակնորդների անունները
Հասարակություն
26.04.2019 | 20:53
Այսօր ավարտվել է Շիրակի պետհամալսարանի ռեկտորի թափուր պաշտոնի հավակնորդների հայտերի ընդունումը։ Հայտ է ներկայացրել 6 հոգի։ Նրանք են՝ Սամվել Ալեքսանյանը, Սուրեն Ավդալյանը, Արամ Կարապետյանը, Վարդան Մելքոնյանը, Անդրանիկ Սագսյանն ու Լուսինե Ֆլջյանը։ Այս մասին տեղեկանում ենք Շիրակի պետհամալսարանի հոգաբարձուների խորհրդի նախագահ Լևոն Բարսեղյանի ֆեյսբուքյան էջից։
Նշենք, որ Անդրանիկ Սարգսյանն ու Լուսինե Ֆլջյանը մասնակցում էին նաև ՇՊՀ ռեկտորի նախորդ ընտրությանը, որը կայացել էր մարտի 2-ին։ Նրանցից ոչ մեկը չէր ստացել բավարար ձայն՝ ռեկտոր ընտրվելու համար։
Հոգաբարձուների խորհրդի 23 անդամների փակ գաղտնի քվեարկության ամփոփմամբ՝ Անդրանիկ Սարգսյանը ստացել էր 8 ձայն, Լուսինե Ֆլջյանը՝ 6, իսկ 9 քվեաթերթիկ էլ ճանաչվել էր անվավեր։ Արդյունքում հայտարարվել էր նոր մրցույթ․ հայտերի ընդունման վերջնաժամկետը սույն թվականի ապրիլի 26-ն էր։
ՇՊՀ ռեկտորի նոր մրցույթը տեղի կունենա 2019թ-ի մայիսի 11-ին։
Հիշեցնենք, որ Շիրակի մայր բուհի ռեկտորի պաշտոնը թափուր էր մնացել այն բանից հետո, երբ 2018թ-ի մայիսի 18-ին այժմ արդեն նախկին հանրապետական Սահակ Մինասյանը հրաժարական էր տվել։ Այժմ ռեկտորի ժամանակավոր պաշտոնակատարը Երվանդ Սերոբյանն է։
Էմմա Չոբանյան
