10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
«Սպայկա» ընկերության տնօրենի գործով դատական նիստը հետաձգվեց
Հասարակություն
25.04.2019 | 18:20
Վերաքննիչ դատարանում աշխատանքային ժամի ավարտով պայմանավորված ավարտվեց «Սպայկա» ընկերության տնօրեն Դավիթ Ղազարյանի գործով դատական նիստը:
Պաշտպանները բողոքարկում են Առաջին ատյանի դատարանի որոշումը` երկամսյա կալանքի վերաբերյալ: Բողոքի քննությունն այսօր մասամբ քննվեց դատարանում: Այլ մանրամասներ պաշտպանները չցանկացան հայտնել:
Հիշեցնենք, որ առանձնապես խոշոր չափերով հարկերը չվճարելու դեպքի կապակցությամբ հարուցված քրեական գործի շրջանակներում 2019թ. ապրիլի 4-ին Ղազարյանին մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասի (առանձնապես խոշոր չափերով hարկ, տուրք կամ պարտադիր այլ վճար չվճարելը) հատկանիշներով։
Ըստ ՊԵԿ հաղորդագրության՝ «Սպայկա» ընկերությունը պետական բյուջե չի վճարել ընկերության կողմից իրականացված ձեռնարկատիրական գործունեության արդյունքում առաջացած 7 036 666 312 ՀՀ դրամ մաքսատուրք և հարկ:
Լիլիթ Շաբոյան
