10.09.2026 | 12:34
ԱԴԾ-ն ձերբակալել է Մոսկվայում Մեծ Բրիտանիայի դեսպանատան անվտանգության աշխատակցին՝ պետական դավաճանության մեղադրանքով
«Ձե՞ռ եք առնում». պատգամավորներն արձագանքում են Միհրան Պողոսյանի՝ քաղապաստան խնդրելու որոշմանը. ՏԵՍԱՆՅՈՒԹ
Քաղաքականություն
25.04.2019 | 18:14
Ռուսաստանի Դաշնությունում գտնվող ԴԱՀԿ նախկին պետ, օֆշորի գործով որպես մեղադրյալ ներգրավված Միհրան Պողոսյանը հայտարարում է, որ ինքը քաղհալածյալ է և քաղապաստան է խնդրել Ռուսաստանից:
Խորհրդարանական երկու խմբակցությունները՝ «Իմ քայլն» ու «Լուսավոր Հայաստանը», հեգնանքով են վերաբերվում Միհրան Պողոսյանի այս հայտարարությանը, երրորդ խմբակցությունը՝ «Բարգավաճ Հայաստանը», պնդում է՝ Հայաստանում քաղհալածյալներ չկան:
Օֆշորի գործով մեղադրյալ Պողոսյանը, որի նկատմամբ հետախուզում էր հայտարարված, վերջերս Ռուսաստանի Դաշնությունում կալանավորվել է, այժմ Հայաստանի և Ռուսաստանի իրավասու մարմինները պատրաստում են անհրաժեշտ փաստաթղթերը Պողոսյանի արտահանձնման գործընթացը կազմակերպելու համար։
Իշխանական «Իմ քայլը» խմբակցությունից հավաստիացնում են՝ Միհրան Պողոսյանի քաղապաստան խնդրելու որոշումը որևէ կերպ չի վնասի Հայաստանի նոր իշխանությունների վարկանիշին:
Խորհրդարանական մյուս ընդդիմադիր ուժի՝ «Լուսավոր Հայաստան» խմբակցության ղեկավար ՝ էդմոն Մարուքյանին ավելի շատ հետաքրքրում է ոչ թե Միհրան Պողոսյանի քաղապաստան խնդրելու հարցը, այլ այն, թե ինչպես է Պողոսյանը հայտնվել Ռուսաստանում։
Ընդդիմադիր պատգամավորն անգամ կատակներ արեց՝ Պողոսյանի քաղհալածյալ լինելու հայտարարության շուրջ:
Միհրան Պողոսյանի պաշտպան Երեմ Սարգսյանի հետ factor.am-ին կապ հաստատել չհաջողվեց։
Մանրամասները՝ տեսանյութում:
Շողիկ Գալստյան
