02.07.2026 | 10:25
Ուրսուլա ֆոն դեր Լայենը ժամանեց Երևան
«Զոն նայողների» արտոնությունները վերացված են, չկա չխուզարկվող խուց. Զեյնալյանը՝ ԱԱԾ տեսանյութի մասին. ՏԵՍԱՆՅՈՒԹ
Հասարակություն
25.04.2019 | 14:31
«Զոն նայողների» արտոնությունները, որոնք եղել են նախկին իշխանությունների ժամանակ, այն, ինչ դուք գիտեք, վերացված են: Այսօր ՀՀ Կառավարության նիստից հետո լրագրողների հետ ճեպազրույցում ասաց արդարադատության նախարար Արտակ Զեյնալյանը՝ անդրադառնալով ԱԱԾ-ի հրապարակած տեսանյութին, որի համաձայն՝ քրեակատարողական հիմնարկներից մեկում «զոն նայողն» արտոնյալ կարգավիճակում է:
«Չկա այնպիսի խուց, որը չի խուզարկվում, չկա այնպիսի անձ, որի վրայից արգելված իր չի բռնագրավվում: Սա այդ արտոնությունների դարաշրջանի ավարտն է եղել, մեր իշխանության գալու պայմաններում սա դադարել է լինել»,- ասաց արդարադատության նախարարը:
Նա նշեց, որ կալանավայրերում որևէ մեկն արտոնյալ պայմաններ չունի. «Դուռ բաց պահելու համար անօրինական վճարումներ, ներսում գումարի շարժ, սա մենք վերացրել ենք: Ինչ վերաբերում է ներսում խաղալուն, ապա բազմիցս ասել եմ, որ կարող են խաղալ օրինական, թույլատրված սեղանի խաղեր: Սեղանի խաղերով կարող են նաև «ղումար» խաղալ, և այդտեղ ոչ թե առձեռն գումարներ են պտտվում, այլ կարող են գրանցվել: Սա վերացնելու համար մենք պետք է վերացնենք «օբշյակ» հասկացությունը, որպեսզի դրսում շարժ չլինի»:
Մանրամասները՝ տեսանյութում:
Նարեկ Կիրակոսյան
