12.07.2026 | 09:01
Ռոման Բերեզովսկին ռուսական ակումբ է գլխավորել
Թուրքիայի ոստիկանությունը խոչընդոտել է Հայոց ցեղասպանության զոհերի հիշատակի ակցիայի անցկացմանը
Քաղաքականություն
24.04.2019 | 16:56
Թուրքիայի ոստիկանությունը խոչընդոտել է Ստամբուլի Սուլթանահմեդում Հայոց ցեղասպանության զոհերի հիշատակին ակցիայի անցկացմանը: Այս մասին տեղեկանում ենք «Ակօս» պարբերականից:
Ռասիզմի և խտրականության դեմ պայքարի կազմակերպությունը, ինչպես ամեն տարի, հավաք էր նախաձեռնել՝ նվիրված 1915 թվականի Հայոց ցեղասպանության արդյունքում զոհվածների հիշատակին: Այս տարի, սակայն, ոստիկանությունը թույլ չի տվել անցկացնել միջոցառումը:
Կազմակերպության ղեկավարությունն ու թուրքական Մեջլիսի հայազգի պատգամավոր Կարո Փայլանն արձագանքել են ստեղծված իրավիճակին: Առաջիկայում կազմակերպությունը նաև այս առիթով մամուլի հաղորդագրություն է տարածելու:
