17.12.2025 | 12:17
Արման Ծառուկյանն ու Մեհդի Բայդուլաևն անցկացրել են հայացքների մենամարտ․ ՏԵՍԱՆՅՈՒԹ
Կստեղծվեն քննիչ հանձնաժողովներ. ի՞նչ է քննարկվել «Իմ քայլի» փակ նիստին. ՏԵՍԱՆՅՈՒԹ
Քաղաքականություն
23.04.2019 | 15:48
Ազգային ժողովի «Իմ քայլը»խմբակցությունն այսօր անցկացրած դռնփակ նիստում որոշել է ստեղծել քննիչ հանձնաժողովներ, որոնք կզբաղվեն հանքարդյունաբերության, ջրօգտագործման և էլի մի քանի ոլորտների հետ կապված հարցերով։ Այս մասին նիստից հետո լրագրողների հետ զրույցում տեղեկացրեց «Իմ քայլը» խմբակցության ղեկավար Լիլիթ Մակունցը։
Լրագրողները հետաքրքրվեցին՝ գուցե Կառավարություն-Ազգային ժողով վերջին հարցուպատասխանի ժամանակ վարչապետ Նիկոլ Փաշինյանի դիտողությո՞ւնն է պատճառը, որ նման նախաձեռնությամբ են ուզում հանդես գալ, Մակունցը հակադարձեց. «Մենք իրականում ինտենսիվ աշխատում ենք։ Մինչ վարչապետի ասելն էլ մենք պլանավորում էինք սա, վարչապետն էլ տեղյակ է եղել, պարզապես առաջնահերթությունները պետք է սահմանեինք։ Իրականում ես համաձայն եմ, որ այն ներուժը և այն գործիքները, որ ունի Ազգային ժողովը, պետք է սկսենք ամբողջ ծավալով կիրառել»։
Հիշեցնենք՝ վարչապետը հայտարարել էր, որ խորհրդարանն ամբողջ վերահսկողական ներուժը չի օգտագործում:
Մանրամասները՝ տեսանյութում:
Շողիկ Գալստյան
