02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Ինչպե՞ս եք պատրաստվում խեղաթյուրել Հարկային օրենսգիրքը և ազդել մեր ներդրումային միջավայրի վրա․ Մանե Թանդիլյան․ ՏԵՍԱՆՅՈՒԹ
Տնտեսություն
19.04.2019 | 11:52
Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանին մտահոգում է այն, որ պետությունը պետական տուրքի միջոցով լուծում է ներմուծման խնդիրը:
«Պետական տուրքը դա պետության կողմից ծառայությունների և գործողությունների համար սահմանված պարտադիր վճարն է: Խնդրում եմ նշել, թե ի՞նչ ծառայությունների համար է սահմանվել ներմուծվող ցեմենտի համար պետտուրքի համար նախատեսված 22 հազար դրամը, այստեղ չկա որևէ ծառայության մասին խոսք, և սա որևէ աղերս չունի Պետտուրքի մասին օրենքի հետ։ Ասում եք, որ պաշտպանական միջոց կարող եք ներդնել, որ օրենքը ավելի շուտ մտնի ուժի մեջ, ի՞նչ է նշանակում պաշտպանական միջոց, ինչպե՞ս եք պատրաստվում խեղաթյուրել Հարկային օրենսգիրքը, ազդել մեր ներդրումային միջավայրի վրա, չէ՞ որ մենք մեսիջ կտանք ներդրում անողներին, որ մեր երկրում ցանկացած պահի կարող է պաշտպանական միջոց ներդրվել, և նրանք կունենան այն, ինչը չէին կարող ակնկալել իրենց ներդրումներն անելիս: Սա վտանգավոր մոտեցում է»,- ԱԺ-ում քննարկվող նախագծի վերաբերյալ իր մտահոգությունները բարձրաձայնեց Մանե Թանդիլյանը։
Պատգամավորը նշեց, որ նախագծի ընդունումն այս տեսքով պետք է հետաձգել, քանի որ դրանում կան նաև հակադրություններ ԵՏՄ-ում մեր ստանձնած պարտավորությունների մասով։
Մանրամասները՝ տեսանյութում։
Աղավնի Սուքիասյան
