17.12.2025 | 09:45
Արարատ Միրզոյանը հանդիպում է ունեցել Լյուքսեմբուրգի Պատգամավորների պալատի նախագահի հետ
Ի՞նչ նշանակություն ունեցավ Վանեցյանի հետ Ձեր բարեկամական կապը Փաշինյանի համար․ Գորգիսյանը՝ Բաղրամյանին. ՏԵՍԱՆՅՈՒԹ
Քաղաքականություն
18.04.2019 | 15:38
Ազգային ժողովի «Լուսավոր Հայաստան» խմբակցության պատգամավոր Գևորգ Գորգիսյանն այսօր խորհրդարանում ՀԾԿՀ նախագահի թեկնածու Գարեգին Բաղրամյանից հետաքրքրվեց՝ այս պաշտոնում իր առաջադրման վրա քանի տոկոսի ազադեցություն է ունեցել իր՝ Արթուր Վանեցյանի հետ ունեցած բարեկամական կապը և քանի՞ տոկոսի ազդեցություն՝ իր մասնագիտական գիտելիքները։
Ի պատասխան՝ Բաղրամյանը նշեց, որ բավականին երկար տարիներ աշխատում է հանրային ծառայությունների ոլորտում և համոզված է, որ ավելի շատ վարչապետի համար նշանակություն է ունեցել իր աշխատանքային փորձը, քան Արթուր Վանեցյանի հետ իր բարեկամությունը։
«Ձեր գնահատմամբ, փաստորեն, ՀԾԿՀ նախագահի թեկնածուի առաջադրման համար կարող ենք փաստել, որ վարչապետի այդ որոշման վրա մի մասով ազդեցություն է ունեցել գիտելիքը, մի մասով՝ բարեկամական կա՞պը»,- հետաքրքրվեց Գորգիսյանը։
«Համոզված եմ՝ իմ բարեկամական կապը Վանեցյանի հետ, այս առաջադրման հարցում որևէ նշանակություն չի ունեցել»,- պատասխանեց ՀԾԿՀ նախագահի թեկնածուն:
Մանրամասները՝ տեսանյութում։
Աղավնի Սուքիասյան
