12.07.2026 | 09:01
Ռոման Բերեզովսկին ռուսական ակումբ է գլխավորել
Նազարբաևը ԵՏՄ-ում, հնարավոր է, պատվավոր նախագահի պաշտոն ստանա. «Կոմերսանտ»
Քաղաքականություն
18.04.2019 | 14:57
Ղազախստանի նախկին նախագահ, ժողովրդի առաջնորդ և երկրի Անվտանգության խորհրդի ցմահ նախագահ Նուրսուլթան Նազարբաևը, հնարավոր է, շուտով ևս մեկ տիտղոս ստանա: «Կոմերսանտի» տեղեկություններով՝ մայիսի 29-ին Եվրասիական տնտեսական միության (ԵՏՄ) գագաթնաժողովին, որը նվիրված է լինելու կառույցի 5-ամյակին, հնարավոր է՝ Նազարբաևը նշանակվի ԵՏՄ պատվավոր նախագահ:
Աղբյուրի համաձայն՝ այս հնարավորությունը քննարկվում է՝ կապված այն հանգամանքի հետ, որ հենց Նազարբաևին է պատկանում ԵՏՄ-ն ստեղծելու գաղափարը:
Նշենք, որ մայիսի 29-ին Ղազախստանի մայրաքաղաք Նուր Սուլթանում (նախկինում՝ Աստանա) կայանալիք Եվրասիական տնտեսական խորհրդի նիստին կմասնակցեն միության անդամ պետությունների՝ Հայաստանի, Ռուսաստանի, Բելառուսի, Ղազախստանի և Ղրզստանի ղեկավարները:
Նրանք կնշեն միության կազմավորման 5-ամյակը, կքննարկեն այդ ընթացքում ձեռք բերված արդյունքները, ինչպես նաև Ղազախստանի նախկին նախագահին ԵՏՄ պատվավոր նախագահ նշանակելու հարցը:
Նշենք, որ ներկայում նման պաշտոն ներկայում գոյություն չունի, այդ պատճառով Նուրսուլթան Նազարբաևի ապագա լիազորությունների շրջանակը նույնպես հայտնի չէ: Ըստ «Կոմերսանտի»՝ հայտնի է միայն, որ նա, մասնավորապես, ԵՏՄ-ն կներկայացնի կազմակերպությունում չընդգրկված կողմերի հետ հարաբերություններում:
