17.05.2026 | 17:13
Մետրոպոլիտենում առաջացած տեխնիկական խափանումը վերացվել է
Այսօր հայտարարելու եմ, թե Ոստիկանությունը և ԱԱԾ-ն խորհրդարանին ինչպես են հաշվետու լինելու. Մակունց. ՏԵՍԱՆՅՈՒԹ
Քաղաքականություն
18.04.2019 | 14:30
Քաղաքացու օրը նշելու համար պետք է հատկացնել գումար, բայց այստեղ մեկ կարևոր շեշտադրում կա, որ այդ գումարը ծախսվելու է ոչ միայն Երևանում, այլև Հայաստանի բոլոր մարզերում: Այս մասին ԱԺ-ում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով հարցին, թե ընդունելի՞ է Քաղաքացու օրվա համար 124 մլն դրամ հատկացնելու մասին Կառավարության որոշումը:
Հարցին՝ ավելի ճի՞շտ չէր լինի այդ գումարը ծախսել ավելի կենսական խնդիրների լուծման նպատակով, մասնավորապես՝ աղբահանության, Լիլիթ Մակունցը պատասխանեց. «Այդ ուղղությամբ քաղաքապետարանը զբաղվում է, բայց դրանք միմյանց հետ կապ չունեցող հարցեր են: Այն հարցը, որն ինձ ուղղում ենք, նույն հարթության մեջ չի մտնում»:
Դիտարկմանը, թե ԱԺ-ի նիստերը լարված են անցնում, այդ պայմաններում ինչպե՞ս է հետագայում պատկերացնում խորհրդարանի աշխատանքը, Մակունցն արձագանքեց. «Այո՛, կա լարվածություն, քանի որ եղել են էմոցիոնալ հայտարարություններ անձնական տիրույթում: Դրան անդրադառնալ պետք չի»: Լիլիթ Մակունցն ասաց նաև, որ հայտարարություն է անելու, թե ինչպես են Ոստիկանությունը և ԱԱԾ-ն խորհրդարանին հաշվետու լինելու:
Մանրամասները՝ տեսանյութում:
Նարեկ Կիրակոսյան
