09.08.2026 | 16:37
Վթարային ջրանջատում Կտայքում և Երևանում
ԵԱ. Լիլիթ Մկրտչյանը և Մարիա Գևորգյանը հաղթել են
17.04.2019 | 20:25
Թուրքիայում ընթացող շախմատի կանանց Եվրոպայի անհատական առաջնության 6-րդ տուրում Լիլիթ Մկրտչյանը եւ Մարիա Գեւորգյանը հաղթել են, Աննա Սարգսյանն ու Սիրանուշ Ղուկասյանը պարտություն են կրել, իսկ Էլինա Դանիելյանը սպիտակ խաղաքարերով միավորը կիսել է ուկրաինացի Աննա Ուշենինայի հետ. գրում է ՀԱՕԿ-ը:
Հայաստանի հավաքականի առաջին համար Էլինա Դանիելյանը վաստակել է 4.5 միավոր եւ կես միավոր է հետ միանձնյա առաջատար Ալինա Կաշլինսկայայից (Ռուսաստան): Լիլիթ Մկրտչյանն ունի 4 միավոր, իսկ Աննա Սարգսյանը, Սիրանուշ Ղուկասյանը եւ Մարիա Գեւորգյանը՝ 3-ական:
Եվրոպայի առաջնությունում այսօր հանգստյան օր է: 7-րդ տուրը տեղի կունենա ապրիլի 18-ին:
